Ержан Азаттықтың Астана бөліміне 2015 жылғы қаңтарда телеоператор болып қосылды. "Ирбис-ТВ" мен КТК телеарналарында жұмыс істеген. Павлодар мемлекеттік университетін бітірген.
10 қаңтарда өткен парламент мәжілісі мен мәслихаттар сайлауында жер-жерде тәуелсіз бақылаушыларға түрлі кедергі жасалғаны хабарланды. Сайлау күні бақылаушылардан коронавирус жоқтығы жайлы ПТР тест талап етілді, бақылаушылардың "аквариумға" отырғызды және рұқсатсыз фото-видео түсіруге тыйым салды.
Қазақстанда 10 қаңтар, парламент сайлауы күні билікті сынап жүрген белсендінің көбі дауыс бере алмады. Кейбірін полиция үйінен, кейбірін митинг өтетін маңнан алып кетті. Құқық қорғау ұйымының есебінше, елде 10 қаңтар күні кемі 200-ден астам адам ұсталған.
10 қаңтар Қазақстандағы мәжіліс пен мәслихат сайлауы өтіп жатқан тұста Нұр-Сұлтан қаласында бір топ адам шетелдегі оппозиционер, елде сырттай өмір бойына сотталған Мұхтар Әблязовтың шақыруы бойынша билікке қарсы наразылық білдірмек болды. Бейбіт жиынға келгендерді полиция күшпен ұстап әкетті.
Саяси партиялар үгіт-насихатты аяқтап, "миллиондаған тұрғынмен кездестік, мыңдаған елді мекенді араладық" деп есеп беріп жатыр. Алайда, Азаттық тілшісі аралап қайтқан Нұр-Сұлтан іргесіндегі ауылда тұрғындардың саяси науқанға құлшынып тұрмағаны байқалды. Олардың сайлаудан да маңызды мәселелері бар.
Қазақстанда сайлау жақындағанда "заңсыз үгіт-насихат жүргізді" деп жауапқа тартылып жатқандар көбейді. Олардың дені - "Ақ жол" партиясын қолдауға шақырып жүргендер. Партия басшылары бұған алаңдаушылық білдіріп, ішкі істер министрлігіне сауал жолдаған.
Қарағанды облысы Балқаш қаласының тұрғыны, белсенді Азамат Раевты белгісіз біреу соққыға жыққан. Дәрігерлер оның миы шайқалғанын айтқан. Раев бұл оқиғаның саяси астары бар деп есептейді. Ол әлеуметтік желіде жұртты алдағы парламент сайлауын белсенді түрде бақылауға шақырып жүрген.
Қазақстанда былтырғы президент сайлауынан соң бақылаушы ұйым ретінде әділет министрлігіне тіркелген "Мұқалмас" бірлестігі әр аймақта филиалдарын тіркей алмай жатқанын айтады. Бірлестік басшысының сөзінше, жергілікті әділет департаменттері құжаттардан түрлі кемшілік тауып, қайтарып жібереді.
Түркістан облысында балабақша қызметкері басшылық газетке жазылуға мәжбүрлеп жатқанын айтып, президент пен білім министріне шағымданды. Оның сөзін өзге де әріптесі қуаттап отыр. Ал министрлік өкілі мұндай шағым жиі түсетінін растады.
ЕҚЫҰ бақылаушылары басталғанына екі апта өтсе де саяси партиялардың сайлауалды үгіт-насихаты сылбыр жүріп жатыр дейді. Ал кей партиялар індетке байланысты іс-шараның көбін онлайн форматта өткізуге мәжбүр екенін айтады. Кейбірінің өкілдері үй-үйге кіріп, ел аралап жүр.
Қазақстандағы мәслихат пен мәжіліс сайлауына екі апта қалды. Мәжілістің алтыншы шақырылымы төрт жыл бойғы жұмысын қорытындылап жатыр. Олардың арасында сайлауға қайта түсетіндері де бар. Бұл парламент ел есінде қалай қалмақ?
Бірер жыл бұрын ондаған миллион ақшаға салынған астанадағы «жылы аялдаманың» кейбірі істен шыққан. Тұрғындар көбінің іші салқын, лас деп шағымданады. Азаттық техниканың соңғы үлгісімен жабдықталған бірнеше нысанды аралап, жай-күйін көрді.
Ресей мемлекеттік думасының депутаттары Вячеслав Никонов пен Евгений Фёдоров Қазақстан жерінің тұтастығына қатысты мәлімдемелер жасады. Олардың айтуынша, "Ресей Қазақстанға жер сыйға тартқан". Азаттық Қазақстан парламенті депутаттарының осыған қатысты пікірін сұрады.
Орталық сайлау комиссиясы бақылаушылардың міндетіне байланысты жаңа қаулы қабылдаған. Құжатта сайлау учаскелерінен рұқсатсыз фото-видео түсіріп, онлайн трансляцияға шығуға тыйым салынған. Тәуелсіз бақылаушылар мұны заңға қайшы әрекет деп бағалайды. Азаттық парламент депутаттарынан осы туралы сұрады.
Мүгедек бала бағып отырғанын айтып, үкіметтен көптен бері тегін баспана сұрап жүрген Нұр-Сұлтан тұрғындары бүгін тағы да премьер-министрге хат жазды. "Билік үй бере алмаса шаңырақтардың птер жалдайтын ақшасын толық мойнына алсын" дейді олар.
Қазақстанда депутат болғысы келетін журналист көп. 10 қаңтарға белгіленген мәжіліс сайлауына бес партия кемі жиырмадан астам тілшіні тізімге қосқан. Сарапшы "партиялар журналистерді пайдаланып отыр" десе, батыс журналисі "саяст пен журналистика екі бөлек кәсіп" екенін айтады.
Қазақстан билігі 6 желтоқсанда Нұр-Сұлтанда кибер жаттығу басталғанын мәлімдеді. Осы кезде интернет істемей қалды. Тұрғындар Facebook, Youtube сияқты әлеуметтік желілер мен бірқатар сайттарға кіре алмады.
6 желтоқсанда астаналықтар Facebook, Youtube және өзге де сайттарға кіре алмай қалды. Ұлттық қауіпсіздік комитеті жариялаған "Киберқауіпсіздік Нұр-Сұлтан – 2020" жаттығуы кезінде әлеуметтік желілерден бөлек, "бірқатар шетелдік интернет-ресурсқа" кіру қиындады.
"Нұр Отан" партиясының мүшесі, ақын Мақпал Мысаның шығармашылық кешін өткізуге Нұр-Сұлтан әкімдігінен 28 миллион теңге алған "Адал" партиясының өкілі, журналист Мұрат Қожамқұлов алдағы мәжіліс сайлауына қатыспайтын болды.
2 желтоқсанда Нұр-Сұлтанда мүгедек бала асырап отырған он шақты тұрғын президентке хат жазып, тапсырды. Қасым-Жомарт Тоқаевқа арналған хатта олар мүгедек баласы бар ата-аналарға тегін баспана беруді талап етеді.
Жалпұлттық социал демократиялық партиясы (ЖСДП) сайлауға бойкот жариялап, сайлауға қатыспайтынын мәлімдеді. Партия 10 қаңтардағы сайлауда учаскелерге барып, науқанды бақылай ма, жоқ па ол жағы белгісіз. ЖСДП-ның бойкот жариялауына не себеп?
Тағы
