Зеленский Трампты, Трамп Путинді сынады. Соғыс жаңалықтары
16 қыркүйек таңертең ресейлік дрондар Харьков қаласына соққы жасады. Билік төрт адамның зардап шеккенін хабарлады. Украин құтқарушыларының мәліметінше, Запорожье қаласына жасалған түнгі шабуылдан бір ер адам қаза тауып, 18 адам, соның ішінде төрт жасар бала жарақат алды. Ресей бұл туралы түсініктеме берген жоқ. Ал Ресей Қорғаныс министрлігі таңертең түн ішінде 87 украин дронын атып түсіргенін хабарлады.